Татарстанның Монополиягә каршы хезмәте Азнакай районына киләчәк

10 сентябрь 2019 ел., сишәмбе

Татарстан Республикасы буенча Монополиягә каршы федераль хезмәт Идарәсенең район территориясенә визиты 2019 елның 19 сентябрендә булачак. Муниципаль районга ведомствоның сатып алуларны контрольдә тоту бүлеге җитәкчесе Алмаз Яфизов киләчәк. Традиция буенча муниципаль район территориясендә район җитәкчелеге белән эшлекле очрашулар, мәктәптә ачык дәрес, гражданнарны кабул итү һәм сәнәгать мәйданчыгында булу булачак. Монополиягә каршы органның җәмәгать кабул итү (гражданнарны кабул итү) эше Азнакай шәһәре, Ленин урамы, 22 нче йорт адресы буенча урнашкан район хакимияте бинасында оештырылачак. Кабул итү сәгать 9да башлана. Чыгу кысаларында Алмаз Яфизов ММЧ вәкилләренең сорауларына җавап бирәчәк: гражданнарны кабул итүдән соң журналистлар өчен брифинг булачак. Аккредитация мәсьәләләре буенча Россия Монополиягә каршы федераль хезмәтенең Татарстан идарәсе матбугат хезмәтенә 8 (843) 236-20-61 телефоны буенча (элемтә өчен: О. А. Ефимова), электрон почта аша мөрәҗәгать итәргә мөмкин: to16_43@fas.gov.ru йә район хакимиятенә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования