Азнакай журналистлары республикада сынатмый

Бүген Татарстан судьялар советының  узган ел йомгаклары буенча киңәшмәсе үтте.

Шушы ук утырышта  ТР суд системасының эшчәнлеген яктыртучы журналистлар өчен оештырылган “Ел Фемидасы” иҗади бәйгесендә җиңеп чыгучыларны да тәбрикләделәр.

Бу бәйгедә "Иң яхшы язма" номинациясендә хезмәттәшебез – “Маяк” газетасының бүлек редакторы  Лиза Нурлыева махсус призга лаек булды.  Азнакай  телевидениесе коллективы 'Иң яхшы  видеосюжет” номинациясендә өченче урынны алды.

Коллегаларыбызны әлеге уңышлары белән чын күңелдән котлыйбыз!