28 август кәнне Мәгариф хезмәткәрләренең традицион август киңәшмәсе кысаларында шәһәрнең Мәдәният йорты мәйданында үзиреклеләр (волонтерлар) елына багышланган хәйрия ярминкәсе узачак.
Биредә балаларның һәм ата-аналарның кул эшләнмәләре, төрле кием-салым, азык-төлек товарлары, яшелчә һәм җиләк-җимеш тәкъдим ителәчәк. Бу юлы әлеге чара ике сабый – Кәрим Үтәмбаев һәм Мәликә Фәткуллинага ярдәм йөзеннән үтә.