Азнакай – Татарстанның иң яхшы спорт шәһәре!

Кичә Идел буе физик культура, спорт һәм туризм академиясендә Татарстан Республикасы Президенты Рөстәм Миңнеханов катнашында “Ел спортчысы” чарасы үтте.

Әлеге тантаналы чарада Азнакай шәһәренә "Массакүләм физкультура-сәламәтләндерү эшен оештыру буенча Татарстан Республикасының иң яхшы шәһәре” исем бирелде.

– Мондый югары исемгә лаек булу – бер көн нәтиҗәсе генә түгел. Җиңүчеләрне билгеләгәндә җирлегебездә спорт белән шөгыльләнүчеләр саны да, спорт ярышларында ирешкән уңышлар да исәпкә алынган, – диде физик культура һәм спорт идарәсе җитәкчесе Рәфис Миңнеханов.