Кыр эшләре көндәлеге

Авыл хуҗалыгы һәм азык-төлек идарәсе биргән соңгы мәгълњматлар буенча, 10 майга барлык төр культураларны чәчү районда 62 913 гектарның 54 387 сендә (81 проц.) башкарылган. “Союз Агро”, “Марс”, “Стәрле”, “Чалпы”, “Азнакай” агрофирмасы” җәмгыятьләрендә, “Таллы Бүләк” кооперативында, “Кәримов”, “Шәвәлиев”, “Сәгытдинов” крестьян-фермер хуҗалыкларында эш уңышлы бара.
Бөртеклеләр 30 227 гектарда (94 проц.) чәчелгән. “Союз Агро”, “Азнакай” агрофирмасы”, ”Чалпы”, ”Стәрле”, ”Марс”, Мөстәкыймов исем. ҖЧҖ,  “Кәримов”, “Шәвәлиев” КФХлары аны төгәлләде инде. Терлек азыгы барлык мәйданның 60 (9 860 га), техник культуралар 47 процентында (7 000 га) чәчелде. Эш дәвам итә. Үсемлекләрне тишелеп чыкканчы тырмалауда “Кәримов”, “Шәвәлиев” КФХлары, Мөстәкыймов исем.
ҖЧҖ уңышлы эшли. “Тукай”, ”Агро ТНГС-И”, “Марс”, Мөстәкыймов исем., “Союз Агро”, “Таллы Бүләк”, “Кәримов” хуҗалыкларында чәчүлекләрне корткыч бөҗәкләргә каршы пестицидлар белән эшкәртү яхшы куелган.
Язгы кыр эшләренең уңышлы баруы, беренче чиратта, игенче-механизаторларның тырышлыгына бәйле. Чәчүдә Әхсән Хәкимов, Мансур Яруллин  “Кәримов” КФХсы), Рамил Галиев, Рәсим Хәкимов (“Агро ТНГСИ”), Флюр Җиһангиров (“Таллы Бүләк”), Рәйес Гарипов (“Чалпы”), Илшат Хөсәинов (“Марс”), Динар Миңнебаев (“Союз Агро”), Рөстәм Билалов (“Азнакай” агрофирмасы”), Инсаф Мияссәров (“Тукай”), үсемлекләрне өстәмә тукландыру, дым каплату, катоклау, туфрак эшкәртүдә Александр Чаганов (“Союз Агро”), Легендар Хәйруллин (“Азнакай” агрофирмасы”), Мулланур Гайсин (“Тукай”), Ринат Нәбиуллин (“Марс”), Дамир Хөсәинов (“Азнакай” агрофирмасы”) смена нормаларын даими арттырып үти һәм яхшы күрсәткечләргә ирешә.