Азнакайда сәләтле яшьләд күп

Мәдәният йортында сәләтле балаларга, аларның остазларына “Чулпан-2012” премиясен тапшыру тантанасы узды.
Әлеге конкурс быел Пионериянең 90 еллыгына һәм Татарстан Республикасында Тарихи-мәдәни мирас елына багышлап  үткәрелде. Кичен күк йөзендә беренче булып иң якты йолдыз – Чулпан калка.
Азнакай күгендә дә ел саен яңа йолдызлар кабына. “Чулпан” конкурсы районыбызда “Сәләтле балалар” программасы кысаларында инде уналтынчы елын үткәрелә һәм укучыларга киләчәктә һөнәр сайларга ярдәм итә. Быел конкурста 26 номинация буенча җиңүчеләр бүләкләнде. Жюри әгъзалары тарафыннан 67 иң яхшы укучы, 11 коллектив һәм 3 педагог билгеләнде. Өч ел буе иң күп номинантларны Азнакайның 2, 8 нче һәм Актүбәнең 2 нче мәктәпләре бирә. Район җитәкчелеге, предприятиеләр, оешмалар сәләтле балаларны үстерүдә лаеклы өлеш кертә, җиңүчеләргә бүләкләр тапшыра.
Конкурсныћң оештыру комитеты шгъзасы, мәгълүмати-методик үзәк директоры Лилия Әхмәдишина балалар белән эшләүдә көчләрен һәм вакытларын кызганмаучы педагогларга рәхмәт әйтте.
Конкурсның башлангычында торучы Суфия Ќамалиеваның да чыгышы ялкынлы булды.
–Һәрберегез эшчәнлеген үз юнәлешендә дәвам итеп, яхшы белгеч, галим, җитәкче булырсыз дип өметләнәм. “Язмышка каршы”  оминациясен аеруча билгеләп үтәсем килә. Физик мөмкинлекләре чикләнгән балалар бернинди авырлыкларга карамастан, тормышта
үзләрен таба алганнар. Аларның ихтыяр көче, ныклыгы сокландыра, – диде ул.
Азнакай яшьләре төрле өлкәләрдә актив. Лауреат һәм дипломантлар арасында фәннәр буенча олимпиадаларда җиңүчеләр генә түгел,
фермерлар, социаль хезмәткәрләр, туган якны өйрәнүчеләр, экологлар, туристлар, спортчылар, хокук белгечләре, инженерлар да бар.
– Азнакай – республикада сәләтле балалар арасында мондый бәйге үткәрә торган бердәнбер район. Мәктәпне тәмамлап, һөнәрләр үзләштереп, туган җирегезгә кайтырсыз һәм аның үсешенә лаеклы өлешегезне кертерсез дип ышанам, - диде район башлыгы вазифаларын башкаручы Марсель Шәйдуллин конкурсны оештыручыларга, иганәчеләренә, ата-аналарга, лауреат һәм дипломантларга рәхмәтен белдереп.
Айгөл Шәрипова