Терроризмга каршы көрәштә бердәмлек көне

2019 елның 4 сентябре, чәршәмбе

3 сентябрь көнне илебездә терроризмга каршы көрәштә бердәмлек көне билгеләп үтелде. Әлеге көн 2004 елның 1-3 сентябрь көннәрендә Беслан шәһәрендә булган вакыйгаларга бәйле рәвештә оештырылган иде. Әлеге коточкыч һәлакәттән соң 15 ел үтсә дә, ул әле дә кичәгедәй күз алдында. Шуңа да теракт корбаннарын һәр ел саен бар дөнья искә ала.

Террорчылыкка каршы көрәштә бердәмлек көне уңаеннан азнакайлылар да Балалар иҗаты үзәге каршына җыелып, бар дөньяда тынычлык булуын, мондый кан коюларның кабатланмавын теләп, якты дөньядан вакытсыз киткәннәрне – кешелек кануннарын санга сукмаучы кансызлар корбаннарын искә алдылар.