Азнакай районында 2021 елда "Мәгариф" Федераль проекты кысаларында 7 мәктәптә - табигый-фәнни юнәлештәге үзәкләр ачылды.
Бу үзәкләр балаларга яңа җиһазларда гомуми һәм өстәмә белем алуда ярдәм итә. Бүген муниципаль район башлыгы Марсель Шәйдуллин, 7нче урта мәктәптә булып, үзәкнең эше белән танышты. "Заманча җиһазлар, класслар. Без укыган вакытта андый сыйныфлар юк иде. Балалар бик теләп шөгыльләнәләр. Бу программа буенча «үсеш ноктасы» үзәкләре районның 11 мәктәбендә булдырылган, киләсе елда тагын өч мәктәптә ачылачак. Без республика, «Татнефть» җитәкчелегенә заманча белем алу өчен шундый шартлар тудырганнары өчен рәхмәтлебез», – диде Марсель Шәйдуллин. "Ункөнлек белем бирү сыйфатын яхшырту өчен "Үсеш ноктасы" үзәкләре эшен камилләштерү максатыннан оештырылды. 10-22 ноябрь көннәрендә 4 нче лицейда, мәктәпләрдә №2, 5, 7, 8, 9 Азнакай шәһәренең 1 нче мәктәбендә ата-аналар, педагоглар, район җитәкчеләре, Иҗтимагый совет әгъзалары өчен сыйныфтан тыш эш һәм өстәмә белем бирү буенча ачык мастер-класслар үткәрелә», – дип билгеләп үтте мәгариф идарәсе җитәкчесе Зөлфия Гыйләҗева