Азнакай муниципаль районының Сарлы авылында XI авыл Спартакиадасы
Спартакиадага җыелган 27 команда вәкилләрен район башлыгы Марсель Шәйдуллин сәламләде. - Бу спартакиада авыл халкының берләшү урыны булып тора, анда районның барлык җирлекләре вәкилләре спортның төрле төрләрендә үз көчләрен сыный, Безнең яшьләр яңа дуслар таба. Авыл данын якларга килгән барлык катнашучыларга рәхмәт. Барыгызга да уңышлар телим! - Марсель Шәйдуллин. Дуслык һәм сәламәт яшәү рәвеше бәйрәме белән кунакларны җирлек башлыгы Марат Шәрипов котлады. Спартакиаданың баш хөкемдары Рафис Миңнеханов ярышлар үткәрү турында аңлатмалар бирде. Аннан ярышлар төрле мәйданчыкларда старт алды. Хоккей буенча спартакиада җиңүчеләре билгеле инде. Кискен көрәштә беренчелекне Тымытык авылы командасы яулады. Икенче урында-Актүбә хоккейчылары, Әсәй яшьләре – өченче урында. Бадминтон ярышында Кәкре Елга авыл җирлеге командасы җиңүче булды. Актүбә һәм Илбәк авыл җирлекләре икенче һәм өченче урыннарны бүлештеләр.