Россия Көне
Россия көне-Россия Федерациясенең мөһим дәүләт бәйрәме, ел саен 12 июньдә билгеләп үтелә. Бу азатлык, тынычлык һәм Яхшылык бәйрәме. Ул күпмилләтле халкыбызның бердәмлеген символлаштыра, Ватаныбызның бүгенгесе һәм киләчәге өчен һәркем җаваплы икәнен искәртә.
Россия көне алдыннан, 9 июньдә Мәдәни үзәк халыкка кино-видео хезмәт күрсәтү белән берлектә «бездә бер ватан Россия»бәйрәм чарасын үткәрде. Катнашучыларга бу бәйрәмнең барлыкка килүе, Россия символикасы турында сөйләделәр. Балалар дәүләт символлары турында; Туган ил, ата - аналар, Шәҗәрә сүзләренең мәгънәсе турында; календарь бәйрәмнәре турында; илебез тарихы турында сорауларга зур энтузиазм белән җавап бирделәр. Безнең яшь буынның Ватан символикасын, Россия тарихын яхшы белүе сөендерә.
Балалар шигырьләр укыдылар, туган ил турында җырлар җырладылар, Россия көненә багышланган видеоролик карадылар. Малайлар һәм кызлар бергәләп илнең тантаналы көйен - Россия гимнын җырладылар.