Татарстан Республикасы территориясендә аномаль салкын һава торышы турында давыл турында кисәтү
Хөрмәтле гражданнар! «Татарстан Республикасының Гидрометеорология һәм әйләнә - тирә мохитне мониторинглау идарәсе» ФДБУ хәбәр итә:
Давыл кисәтүе
аномаль салкын һава торышын билгеләү турында
2023 елның 5 декабреннән 13 декабренә кадәр Татарстан Республикасы территориясендә башта циклонның арткы өлеше, аннары арктик антициклон йогынтысында һава температурасы сизелерлек түбәнәю һәм аномаль-суык һава торышы билгеләү көтелә.
5-6 декабрьдә циклон тылында кар явачак, 5 декабрь төнендә урыны белән буран булачак. Җил төньяк-көнбатыш юнәлешендә 5-10 м/с ка кадәр көтелә , 5 декабрьдә төнлә урыны белән 15-17 м/с кадәр булуы мөмкин. 5 декабрьдә температура: төнлә -8..-13°, көндез -6..-11°. 6 декабрь төнлә температура -14..-19°, көндез -12..-17°.
7 декабрьдә республикага арктиканың аз болытлы антициклоны таралачак. Антициклон йогынтысы 13 декабрьгә кадәр сакланачак. Төнлә һава температурасы -23..-29° ка кадәр, түбән районнарда -34°, көндез -20 °..-25°. Көнлек уртача һава температурасы нормадан 10-20°түбәнрәк булган аномаль-суык һава торышы көтелә.
Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының Татарстан Республикасы буенча баш идарәсе хәбәр итә:
Туңмас, өшемәс өчен урамга чыкмаска, урамда озак йөрмәскә, балаларны, йорт хайваннарын урамда озак йортмәскә һәм ерак сәфәрләрдән тыелырга.
Өшү куркынычының төп факторлары: тыгыз һәм дымлы кием һәм аяк киеме, кан тамырлары белән проблемалар, исерткеч эчемлекләр эчү, шулай ук хәлсезлек һәм талчыгу. Өшемәс өчен катлы-катлы итеп киенергә кирәк, чөнки һава катлавы җылылыкны тотып тора, җылы йон оекбашлар кияргә ирәк - алар дымны сеңдерә, аякларын коры килеш тота, җылы бияләрсез, баш киеме һәм шарфтан башка салкынга чыкмагыз; даими актив хәрәкәтләнергә кирәк.
Көчле салкында урамда йөрергә һәм сәфәргә чыгудан тыелу яхшырак. Автомобиль механизмнарында юл-транспорт һәлакәтләре һәм кинәт җитешсезлекләр куркынычы кискен арта. Ерак араларга йөрүче машина йөртүчеләргә дә үз иминлеген истә тотарга кирәк - сезон буенча киенергә, җылы киемнәр һәм аяк киемнәре турында онытмаска, кайнар чәй тупларга, мөмкин булган кадәр ягулык запасы булдырырга кирәк.
Автомобильдә начар күрү шартларында артык хәрәкәт итүдән, машиналарны узып китүдән сакланырга кирәк.
Кинәт тормозга басудан сакланырга кирәк: кирәк булганда тизлекне салмак кына киметергә кирәк. Тормоз педаленә берничә тапкыр басарга, шул рәвешле, сезнең арттан хәрәкәт итүче автомобиль йөртүчеләрне кисәтүче сигнал биреп хәрәкәт итәргә кирәк.
Мөмкин булса, сәяхәткә чыкмагыз, табигатьтә озак йөрүдән баш тартыгыз.
Өшегән вакытта беренче ярдәм:
Өшесәгез - җылынырга тырышыгыз, җылы бинада бер-ике сәгать утырыгыз, ашагыз. Әгәр нык өшесәгез - кичекмәстән табибка мөрәҗәгать итегез. Әгәр нык өшегәндә медицина ярдәме алу мөмкинлеге булмаса нишләргә?
-Зыян күрүченең өстен алыштырыгыз. Юеш киемнәрегезне салдырыгыз һәм аны җылы җәймәләргә һәм одеялга төрегез. Зыян күргән гәүдә өлешләренә кагылмагыз!
- Җылы суда җылытыгыз. - Су температурасы 40-42 0С. Термометрлар булмаса, терсәгегезне суга батырыгыз. Кайнар булмаса - температура туры килә. Өшегән участокны суга төшерегез һәм тире алсу төскә кереп, сизгерлеге кайтканчы тотыгыз. Зыян килгән тән участогы савыт стеналарына тиеп торырга тиеш түгел. Йөзегез яки колакларыгыз өшегән булса, йомшак сөлге белән җылы компресслар ясагыз (суда чылатып алырга һәм сөртергә).
- Корытыгыз һәм төрегез. Тире кызарып чыгу белән, киптерегез һәм зарарланган участокны чиста материя белән каплагыз. Әгәр дә бу аяк яки кул булса, һәр бармакны төрергә яки, зыян килгән тән участогын киптерергә һәм инфекция зарарланган тире аша үтеп керергә ирек бирмәс өчен, бармаклар арасына мамык куярга кирәк.
- Сыеклык эчегез. Алкогольдән тыш, теләсә нинди җылы эчемлекләр. Бу тәннең нормаль температурасын һәм кан циркуляциясен яхшыртырга ярдәм итәчәк.
- Авыртуны бетерә торган чаралар кулланыгыз. Аспирин яки ибупрофен авыртудан коткарачак һәм кан әйләнешен яхшыртачак.
Янгын куркынычсызлыгы кагыйдәләрен исегездә тотыгыз һәм үтәгез:
Спиртлы эчемлекләр кулланмагыз, беркайчан да яткан урында тартмагыз!
· балаларны күзәтүсез калдырмагыз, аларны янгын куркынычсызлыгы кагыйдәләренә өйрәтегез;
Төзек булмаган электр үткәргечтән беркайчан да файдаланмагыз, электр челтәренә артык авырлык китермәгез, электр җылыткычларын кулланганда саклык белән эш итегез;
Электр һәм газ приборларын күзәтүсез калдырмагыз.
Исегездә тотыгыз: янгын үзеннән-үзе килеп чыкмый. Аның сәбәбе - ут белән эш итүдә кешеләрнең ваемсызлыгы һәм гамьсезлеге. Исерек хәлдә кеше үз-үзен һәм гамәлләрен контрольдә тота алмый, өстәвенә башка кешенең тормышы өчен бернинди җаваплылык ала алмый.
Җил көчәйгәндә:
1. Биналардан чыгуны чикләргә, бинада булырга киңәш итәбез. Балаларны караусыз калдырырга ярамый.
2. Әгәр көчле җил булганда Сез урамда булсагыз, җир асты җәяүлеләр йөру урыннарында яисә биналарның подъездларында яшеренергә киңәш итәбез. Көчле җилдән йорт диварлары янында качарга киңәш ителми, чөнки түбәләрдән шифер һәм башка түбә ябу материалларының төшүе мөмкин. Бу җәмәгать транспорты тукталышларына, төзелеп бетмәгән биналарга да карый.
3.Урамда реклама щитларыннан, вывескалардан, юл билгеләреннән, электр тапшыру линияләреннән ераграк торырга кирәк.
4. Җил белән өзелнгән, сынган ботаклар зур куныч тудыру сәбәпле, агачлар янында торырга, шулай ук алар янына автотранспорт куярга ярамый.
5. Көчле җил вакытында электр тапшыру линиясе астында басып, өзелгән электр үткәргечләренә якын килү үлем куркынычы тудыра.
6. Куркынычлыкны өске катларның ватык тәрәзәләреннән төшкән пыялалар, шулай ук түбә элементлары һәм җил белән өзелгән декор элементлары тудыра ала. Мондый куркынычлык төзелә торган яки ремонтлана торган биналар тирәсендә арта.
7. Йортларның барлык тәрәзәләрен дә нык итеп ябарга, балкон һәм лоджияләрдә килеп төшәргә мөмкин булган предметларны алырга кирәк.
8. Торак яисә эш бинасында тәрәзәләрдән мөмкин кадәр ераграк торырга зарур.
Теләсә нинди бәла-каза очрагында сез һәрвакыт ашыгыч хезмәтләрне чакыруның бердәм "112" номерына мөрәҗәгать итә аласыз. Шалтыратулар тәүлек буе шәһәр һәм мобиль телефоннардан бушлай кабул ителә.
Россия Гадәттән тыш хәлләр министрлыгының ТР буенча баш идарәсенең "Ышаныч телефоны" - 8 (843) 288-46-96.