Азнакайда «Бишек җырлары җырлансын!» проекты гамәлгә ашырыла

2024 елның 10 октябре, пәнҗешәмбе

Балаларга милли тәрбия бирү, аларның үзаңнарын кечкенәдән үк
халкыбызның гореф-гадәтләре, мәдәнияте, традицияләре белән тулыландыра
бару, балаларны тәртипле, әхлаклы, кешелекле итеп тәрбияләү хәзерге
вакытта актуаль мәсьәләләрнең берсе. Чөнки хәзерге заман балалары шул
кадәр тиз үсеш ала, аның менә шушы үзаңга алу вакытын кулдан
ычкындырмыйча бала күңеленә сеңдереп калу – безнең төп бурычыбыз дип
бакча мөдире Әлфинур Дәүләтшина.
Азнакай шәһәре 6 номерлы «Звездочка» балалар милли тәрбиягә зур
игътибар бирелә. Балалар саф татар телендә сөйләшәләр, шигырләр сөйләргә,
җырлар җырларга өйрәнәләр, төрле милли проектларда теләп катнашалар.
Районыбызның «АК калфак» оешмасы тәкъдиме белән «Бишек җырлары
җырлансын!» проекты буенча эш башлап җибәрдек.