Беренче планда – диспансерлаштыру!

2013 елның 20 ноябре, чәршәмбе
Беренче планда – диспансерлаштыру! Узган атна ахырында Сәламәтлек саклау министрлыгы үткәргән онлайн режимындагы киңәшмәдә барлык сәламәтлек саклау учреждениеләре өчен бүгенге көннең төп бурычы шулай куелды.

   Инде ел башыннан ук диспансерлаш-тыруга әзерлек һәм аны үткәрү буенча максатчан эш алып барылса да, респу­блика буенча бу өлкәдә план 56 процентка гына үтәлгән. Ел тәмамланырга айдан чак кына артык вакыт калып бара. Азнакай районы үзәк сырхауханәсе баш табибы Илфат Фәрхуллин безнең районда бу күрсәткечнең 18 ноябрьгә 54 процент тәшкил итүен әйтте. Үзәк поликли­никада диспансерлаштыру үтүгә көн саен 70-80 кеше кабул ителә. Шул рәвешле, 5856 азнакайлы аны үтеп өлгергән.

   – Соңгы атнада халык бик активлашты, – ди баш табиб урынбасары Ирек Га­зизуллин. – 521 кешегә ме­дицина тикшерүе үткәреп өлгердек. Азнакайлыларның үз сәламәтлекләре турында кайгыртып, безнең чакыруны кабул итүе бик уңай күренеш. Әмма диспансерлаштыруга әһәмият бирмәүчеләр дә күп әле. Аларның поликлиникага – участок табиблары янына килүен көтеп калабыз.

   Маммография тикшерүен үз җирлегебездә үтү мөмкинлеге тудырылу да бик яхшы. Күчмә кабинет хезмәтеннән 353 хатын-кыз файдаланган. Үзәк сырхауханә җитәкчелеге алга таба да шундый шар­тлар тудырылу буенча эшнең дәвам итәчәген белдерде.

   Видеоконференциядә урыннардагы медицина учреждениеләре алдына бу­рычлар куелып, 2014 елда башланачак диспансерлаш­тыруга әзерлек мәсьәләләре турында да сүз барды.

 

Лиза Нурлыева

 

ОАО "Татмедиа" филиалы  "МАЯК" редакциясе  http://aznakaevo-rt.ru/ru.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International