Ана - бөек исем

2013 елның 4 декабре, чәршәмбе
    Бу дөньяда тиңе булма­ган, беркемне дә битараф калдырмый торган һәм барыбыз өчен дә кадерле бәйрәм бар. Ул – Әниләр көне. Бу фани дөньяда ана һәм бала арасында­гы мөнәсәбәтләрдән дә җылырак, ныграк, шул ук вакытта аннан да нечкәрәк хисләр юктыр, мөгаен.
    Ноябрьнең соңгы атнасында билгеләнә торган бу бәйрәм районыбызда ел да олылап уздырыла. Быел да район һәм шәһәр Мәдәният йортында үткән тантанада әниләргә зурлап хөрмәт күрсәтелде. Бәйрәм чарасын ачып, район башлыгы Марсель Шәйдуллин залда утыручы барлык аналарга да изге теләкләрен җиткерде, шунсын да билгеләп үтәргә кирәк, бу көнне тантанага аның әнисе Сәвия Габдрахман кызы да чакырулы иде. Сәвия апа биш балага гомер бүләк итеп, олы тормыш юлына аяк бастырган. Ул гомеренең өч дистә елдан артык вакытын балалар тәрбияләүгә багыш­лаган кече күңелле, сабый­лар йөрәген аңлый белгән мөгаллимә.
   Тынгысыз көннәр, йокы­сыз төннәр... Әни булу бер дә җиңел түгел. Ә инде күп балалы әниләрнең кыю­лыгына, түземлегенә, мәрхәмәтлелегенә сокла­нырга гына була. Чара ба­рышында Балтач авылын­да яшәүче шундый олы йөрәкле, изге күңелле Татьяна Хәбибуллинага да “Ана даны” медале тапшырылды. Татья­на һәм Рәфис Хәбибуллиннар гаиләсендә биш бала үсә. Бүгенге көндә алар туганна­рының ятим калган малаен да тәрбияли.
    – Кыенлыклар, мәшәкать-ләр күп, әлбәттә. Әмма шул ук вакытта күп балалы әни булу бик күңелле дә. Фани дөньяга биш бала бүләк итеп, аларга үрнәк тәрбия бирә алуыбызга шатланып туя алмыйбыз. Ба­лалар – безнең киләчәгебез, – ди Татьяна Хәбибуллина.
    Гомерләрен авылда иң авыр, җаваплы тармакларда хезмәт куеп үткәргән, өчәр-дүртәр, аннан да күбрәк бала үстергән олы яшьтәге аналар, балалар бакчалары тәрбиячеләре, ме­дицина белгечләре, агымда­гы елда районда игезәк са­быйлар туган гаиләләр, хезмәтләре белән абруйлы гүзәл затларыбыз – берсе генә дә бүләкләнүдән, игътибардан читтә калмады.
    Бала кайгысыннан да ачы, мәңгелек хәсрәт бармы икән дөньяда? Юктыр. Һәркөн менә кайтыр, менә кайтыр дип газизләрен көтеп уздыр­ган сагышлы көннәр... Улла­рын әфган һәм чечен сугыш­ларында югалткан әниләр хөрмәтләнгәндә зал аеруча дулкынлану кичерде.
    …Әниләргә күпме генә рәхмәт сүзләрен җиткерсәң дә аз буладыр, шуның өчен ана хакын зурлап, аларны һәрвакыт хөрмәт итеп яшик!
 
ОАО "Татмедиа" филиалы  "МАЯК" редакциясе  http://aznakaevo-rt.ru/ru.h
"Азнакай" радиосын тыңларга>>>
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International