Депутатлар бер сорауны да игътибарсыз калдырмый

2013 елның 5 декабре, пәнҗешәмбе
     “Бердәм Россия” сәяси партиясенең унике еллыгы уңаеннан җирле бүлекләрдә барлык дәрәҗәдәге депутатлар катнашын­да гражданнарны кабул итү оешты­рылды. Азнакайлылар да берьюлы РФ Дәүләт Думасы депу­таты Марсель Галимәрданов, ТР Советы депутатлары Василий Ло­гинов һәм Рәзиф Галимов, “Бердәм Россия” партиясенең Азнакай җирле бүлеге секретаре, муни­ципаль район башлыгы Марсель Шәйдуллинга гозерләрен җиткерә алдылар.

     Иң беренчедән, килүчеләрнең азлыгы күзгә ташланды.

– Безнең бүлекчәдә депутатлар һәрдаим халыкны кабул итеп тора һәм күп кенә мәсьәләләр район югарылыгында хәл ителә, – диде “Бердәм Россия” партиясенең Азнакай җирле бүлеге башкарма комитеты җитәкчесе Рита Байтука­лова.

    Балалар бакчаларының физ­культура укытучыларына тиешле еллар эшләгән өчен түләү со­рап мөрәҗәгать иткән ханымның үтенече федерация югарылыгын­да гына хәл ителә ала. Марсель Галимәрданов аны РФ Дәүләт Думасында профильле комитет тикшерүенә куярга вәгъдә бирде.

   3 кеше торак мәсьәләсе буенча килгән иде. Алар барысы да чете­рекле һәм бәхәсле булып чыкты. Мәсәлән, чернобыльче гаиләсе ташламадан файдаланып (ә ул аннан бер генә тапкыр файда­лана ала), фатирын зурайткан булган, ә бүген анда яшәүчеләр саны сигез җанга җиткән, чын мәгънәсендә квадрат метрларга сыешмалы түгел. Яңа өйләнешкән чорда үзебез дә шундый шартлар­да яшәп алганга, мин бу ханымның хәлен бик яхшы аңлыйм. Аларга ни эшләргә?

– Бер генә мөрәҗәгатьне дә игътибарсыз калдырырга тырыш­мыйбыз. Әмма һәрбер сорау уңай хәл ителә дигән сүз түгел. Кайчак­та мөрәҗәгать итүченең теләге гамәлдәге законнарга туры килеп бетми, – ди Марсель Галимәрданов.

    Бу очраклар да шундыйлар­дан иде. Депутатлар кешеләрнең хәленә кереп, законга каршы килмичә, бу мәсьәләне нинди юл­лар белән чишү мөмкинлеге хакын­да үзара фикерләштеләр, ярдәм сорап килүчеләргә киңәшләрен әйттеләр.

    Унсигез ел элек читтән Азнакай­га күченеп кайткан, әле һаман да гражданлык алмаган ханымның да хәленә керделәр.

   Ә бер гаилә күрсәткән ярдәме өчен РФ Дәүләт Думасы депутаты­на рәхмәт белдерергә килгән.

   Әнә шундый күңелле очраклар да булгалый депутатлар кабул иткәндә.

 
ОАО "Татмедиа" филиалы  "МАЯК" редакциясе  http://aznakaevo-rt.ru/ru.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International