Яңа мәчеткә нигез салынды

2013 елның 6 декабре, җомга
Азнакайның «Юбилейный» микрорайонында яңа мәчетнең беренче нигез ташын салу тантанасы узды. Чарада район, оешма-предприятие җитәкчеләре, мөселманнар катнашты.

    Шәһәрнең өченче мөселман гыйбадәтханәсенә икенче мәхәллә күчереләчәк, дип фаразлана. Әлегә ул Нефтьчеләр урамында ур­нашкан күпфатирлы йортның беренче катында эшләп килә.

– Мәхәллә 1994 елда оеш­ты. Киләчәктә шәһәребезнең бу өлешендә мәчет төзеп, аны шунда күчерү нияте бар иде, – диде Азат хәзрәт. – Са­быр төбе сары алтын, диләр. Менә әлеге ният тә 20 ел­дан соң тормышка ашырыла башлады.

    Төзелеш барышында эш төркеме көн саен җыелып, киңәшмә үткәрә. Мәхәлләнең имам-хатыйбы Азат Талибул­лин сөйләвенчә, мәчет бура­дан салыначак, аны Кукмара осталары башкара. Мәчет «Азнакайнефть» идарәсендә эшләүче Рәфис Хәмитов про­екты буенча төзелә. Цоколь катында ашханә һәм хатын-­кызлар бүлмәсе, беренче катта мөнбәрле төп зал, ман­сардада уку сыйныфлары бу­лачак. Тәһарәтханә читтә са­лыначак. Яңа гыйбадәтханә башкаланың Казан нуры мәчетенә ошаган булачак.

    Нефтьчеләр белән Шәйхетдинов урамнарын то­таштырган зур яңа юлның бер ягында мәчет, икенче ягында чиркәү төзелә. Әйтергә кирәк, моңа кадәр шәһәребездә чиркәү булмады, дин тотучы­лар 2006 елда оешкан пра­вославие мәхәлләсенә йөри иде. Чиркәү төзү башлан­гычы белән иерей Алек­сандр Гудовских чыкты. Хәзер бинаның беренче катын төзү тәмамланып килә.

     Мәчет белән чиркәүнең янәшә урна­шуы динара мөнәсәбәтләрне ныгытуга ярдәм итәчәк. Бу хакта муниципаль район баш­лыгы Марсель Шәйдуллин дә билгеләп үтте. «Төрле дин вәкилләре дус булып яшәргә тиеш», – диде ул.

     Азнакай имам-мөхтәсибе Әмирҗан Якупов Татарстан мөфтие Камил Сәмигуллин, барча мөселманнар исеменнән әлеге изге эшне башкаруга өлеш керткән, ярдәм кулы сузган һәркемгә рәхмәт белдерде.

     Билгеле булганча, гый­бадәтханәләр элек-электән оешмалар тарафыннан түгел, халык ярдәме белән күтәрел­гән. Һичшиксез, яңа мәчет­не салуда Һәр мөселман үз өлешен кертер. Киләчәктә биредә моңлы азан ишетер­гә, бәйрәм намазлары укырга насыйп булса иде...

 

 
ОАО "Татмедиа" филиалы  "МАЯК" редакциясе  http://aznakaevo-rt.ru/ru.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International