Мунчага барыйк әле...

2013 елның 20 декабре, җомга
Менә дистә еллар инде Актүбәнең гомуми мунчасы бистә халкы яшәешенең аерылгысыз бер өлеше булып тора...

    Актүбәлеләр өчен ул гадәти юыну урыны гына түгел, бигрәк тә өлкәннәрнең – күптәнге якын дусларның, танышларның иң яраткан күрешү, үзара аралашу җире дә. Ай саен биредә меңнән артык кеше тәненә пакълек, җанына сихәтлек ала. Ә ел саен Бөек Җиңү көнендә су су­гыш, тыл ветераннары, ин­валидларга бушлай хезмәт күрсәтелә.

   Әмма эшчеләр бистәсе белән бер үк вакытта – уз­ган гасыр урталарында ук барлыкка килгән мунча би­насы соңгы елларда ха­лыкка хезмәт күрсәтү өчен мораль яктан искергән, сан­техника җиһазлары заман таләпләренә җавап бирми башлаган иде инде. Шунлык­тан көн таләбенә аны кичек­тергесез яңарту – тулысынча капиталь ремонт уздыру за­рурлыгы килеп басты.

   Ниһаять, актүбәлеләрнең күптән түземсезләнеп көткән көне килеп җитте – капиталь ре­монтланган гомуми мунчаны ачу тантанасы булды. Анда катнашучыларны Азнакай муниципаль район башлыгы Марсель Шәйдуллин тәбрик итте. Ул гомуми мунчаларның борынгы заманнардан ук халыкның иң яраткан юыну урыны булуыннан бигрәк, аралашу, бергәләп уртак мөһим мәсьәләләрне хәл итү урыны булуын да искә төшерде, актүбәлеләргә тән һәм җан сәламәтлеге теләде.

   Капиталь ремонт эшләрен югары сыйфат белән баш­карып чыккан бер төркем төзүчегә район башлыгы Мак­тау грамоталары тапшырды, мунчаның ял бүлмәсенә куяр өчен телевизор бүләк итте.

   Үз чиратында Актүбә муни­ципаль берәмлеге башлыгы Роза Галеева да бистә халкын күптән көтелгән уңайлы, бөтен шартлары китереп эшләнгән гомуми мунча ачылу белән котлады, һәркемгә “җиңел пар” теләде, актүбәлеләргә мондый Яңа ел бүләге ясауда күрсәткән матди ярдәмнәре өчен район җитәкчелегенә рәхмәтен җиткерде.

...Ишеккә куелган кызыл тасма киселде, кунаклар һәм мунча ачу тантанасы­на килгән бистә халкы бина эченә узды...

 

ОАО "Татмедиа" филиалы  "МАЯК" редакциясе  http://aznakaevo-rt.ru/ru.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International