Сак булыгыз: боз сөнгеләре!

2013 елның 23 декабре, дүшәмбе
Быелгы кышның холкын аңлый алмассың. Кары да декабрь башында гына ява башлады. Шулай булуга да карамастан, бураны теңкәгә тияргә өлгерде дә инде – узган бер атна эчендә былтырның шул чоры белән чагыштыр­ганда өчләтә күләмдә явым- төшем күзәтелде. Бар бөнья кар мендәре астында калды. Үзләренең куәтле техникала­ры белән юлны кардан ачуга юлчылар бөтен көчләрен куй­ды. Һава торышының агымда­гы атна башында булып алган тынычлыгыннан файдала­нып, ТСЖлар үзләренә кара­ган торак йорт түбәләрен кар­дан, боз сөңгеләреннән чи­стартырга өлгерде. Көннәре дә утырып киткәндәй тоелды. Тик бу халәт озакка бармады – салкыннар әле кичен генә егермедән артып киткән бул­са, ә иртәсен ябалак-ябалак кар ява, термометр баганасы ноль градусны күрсәтә иде инде...

   Алга таба да көннәр җылы торса, үз корбанна­рын эзләгән боз сөңгеләре яңадан түбә кыекларыннан асылынып төшәр, комму­наль хезмәт күрсәтүчеләр җитешеп килеп җиткәнче, уз­гынчылар өчен һәлакәт чыга­нагына әверелер...

   Игътибарлы, сак булыгыз! Түбәләрдән асылынып тор­ган кар мендәрләренә, боз сөңгеләренә тап буласыз икән, кичекмәстән үзегезнең торак йорт караган ТСЖга шалтыратыгыз яки барып әйтегез. Ә аларның телефон номерын подъезд алдында­гы белдерү тактасыннан таба аласыз.

 

    P.S. Торак йортлардагы балкон түбәләрен кардан- боздан кем арындырыр­га тиеш? Шул турыда аңлатуын сорап без “Уни­версал” йорт милекчеләре ширкәте рәисе Элеонора Алчинага мөрәҗәгать ит­тек.

– Гомумйорт милегенә кергән балкон түбәләрен чистарту Т СЖлар ва­зифасына керә. Ә инде яшәүчеләрнең үз көче белән ясалган түбәләрне алар үзләре карап тотарга тиеш, – дип белдерде ул.      

   

ОАО "Татмедиа" филиалы  "МАЯК" редакциясе  http://aznakaevo-rt.ru/ru.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International