Бүген Анискиннар кирәк

2013 елның 30 декабре, дүшәмбе
      Районның Тымытык һәм Вахитов авыл җирлекләренә хезмәт күрсәтүче участок уполномоченныйлары өчен төзелгән административ-торак йорт комплексларын ачу тантанасы булды.

– Өлкән һәм урта буын кешеләр һәркем белән итәгатьле дә, мөлаем да, кирәк чагында кат­гый да була белгән авыл участковые Анискин ту­рындагы нәфис филь­мны яхшы хәтерлидер. Ул авыл тормышы, аның сулышы белән яши. Ха­лык милиция вәкиле янына киңәшләшергә дә, ярдәм со­рарга да, шат­лык-кайгысын уртаклашыр­га да йөри. Полициянең авыл уча­стокларына бүген әнә шун­дый Анискин­нар кирәк, дип башлады чараны ачу чыгышын Азнакай район башкарма коми­теты җитәкчесе Айдар Шәмсетдинов. – Халык үзенең сакчысын, кирәк чагында яклаучысын белеп торырга тиеш. Авыллардагы оперупол­номоченныйлар үз уча­стокларында тәртип сак­чысы да, бер үк вакытта үрнәк тәрбияче дә була белсеннәр...

   Участок оперуполно­моченныйлары (халык телендә – участковый) өчен авылларда адми­нистратив-торак ком­плекслары төзелеше программасы республи­када 2013 елдан эшли башлады. Аның төп максаты булып полиция хезмәткәрләренә үзләре хезмәт күрсәткән участок гражданнарын тәүлек әйләнәсендә кабул итү мөмкинлеге бирүче төп пункт, үзләренә һәм гаиләләренә яшәү уры­ны булган торак йорт булдыру тора.

   Президент программа­сынигезендә республи­ка күчергән 2 миллион ярымга район үзенең 600 мең сумга якын ак­часын өстәп, Вахитов авыл җирлеге үзәге – Җиңү бистәсендә уча­сток инспекторы өчен административ-торак комплексын булдырды. Икенчесен, Тымытык авылындагысын төзүне исә, район тулысыбелән үз өстенә алды – 3 миллион сум акча бүлеп бирде. Аларда участок инспекторларына эшләү һәм яшәү өчен бөтен шартлар да тудырылган, бүлмәләр тулысынча ќиџазландырылган.

    Административ-то­рак биналарын ачудаТатарстан Эчке эшләр министры урынбасары генерал-майор Рафаил Гыйльманов катнашты.

   Яңа комплекс хуҗалары – Тымытык участок инспекторы, по­лиция өлкән лейтенанты Марсель Фәрхетдинов гаиләсенә (үзе Сочида командировкада) һәм Вахитов участок опе­руполномоченные, по­лиция капитаны Ленар Галимуллинга йорт һәм хезмәт автомобиле ач­кычлары тапшырылды, бүләк итеп телевизор бирелде.

 
ОАО "Татмедиа" филиалы  "МАЯК" редакциясе  http://aznakaevo-rt.ru/ru.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Дәүләт һәм муниципаль хезмәт күрсәтү
Телефон: (85592) 72483, (85592) 72471
Факс: (85592) 72031
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International