Азнакай муниципаль районы

Азнакай районы һәм шәһәрендә хезмәт базарындагы хәл

2014 елның 15 гыйнвары, чәршәмбе

2014 елның 1 гыйнварына мәшгульлек үзәгендә теркәлгән эшсезләр саны 386 кеше тәшкил итте. 2013 ел башы белән чагыштырганда эшсезләр саны 2,1 тапкырга кимегән. Узган елның 1 гыйнварына үзәктә исәптә 827 кеше тора иде.

Эшсезлек кими

Теркәлгән эшсезлек дәрәҗәсе икътисади актив халыкның 1,2 процентын тәшкил итә, 2013 елның 1 гыйнварына бу сан 2,4 процент иде. Ел дәвамында Азнакай шәһәре мәшгульлек үзәгенә 23 предприятиедән 267 кешенең эштән кыскартылырга мөмкинлеге турында мәгълүмат керде. Фактта ел башыннан үзәккә штат кыскару сәбәпле эштән азат ителгән 82 кеше мөрәҗәгать итте. Барлыгы эш эзләп һәм консультация өчен ел дәвамында 7505 кеше мөрәҗәгать итте.

Теләк кенә булсын, эш табыла!

2013 елда мәшгульлек үзәге аша 1696 кеше, шул исәптән 823 эшсез, 873 балигъ булмаган граждан эшкә урнаштырылды. 304 кеше үзәккә мөрәҗәгать иткән көннән алып ун көн эчендә эш белән тәэмин ителде. 389 кеше җәмәгатьчелек эшләренә җибәрелде. Эш эзләүдә авырлыклар кичерүче 43 кеше (7 инвалид, 19 күп балалы яки ялгызы гына яшәүче ата-ана, 17 пенсиягә яше җитеп килүче граждан, 1 төрмәдән кайткан кеше) эшсез гражданнарны вакытлыча эш белән тәэмин итү программасы буенча эшле булды.

Мәшгульлек үзәге ярдәме белән 16 эшсез кеше үз эшен оештырып җибәрде.

Һөнәр сайлауда ярдәм итәбез

3000 кеше профориентация хезмәте алды. 150 гражданга психологик ярдәм, 273 эшсез гражданга хезмәт базарында социаль яраклашу буенча хезмәт күрсәтелде. 8 вакансияләр ярминкәсе үткәрелде.

Һәммәсе – кирәкле белгеч

320 эшсез кеше түбәндәге һөнәрләр үзләштерүгә җибәрелде: нефть һәм газ чыгару операторы, скважиналарга капиталь ремонт ясау бораулаучысы ярдәмчесе, каравылчы, пешекче, парикмахер, бухгалтер, тракторчы, авыл хуҗалыгы производство машинисты, “Д” категорияле машина йөртүче.

Вакансияләр

2014 елның 1 гыйнварына мәшгульлек үзәгенә 238 вакансия барлыгы белдерелде. Бер эш урынына шартлы рәвештә 2 эшсез граждан дәгъва кыла.

ОАО "Татмедиа" филиалы "МАЯК" редакциясе http://aznakaevo-rt.ru/ru.html

БАРЛЫК ЯҢАЛЫКЛАРНЫ УКУ