Азнакай муниципаль районы

Иң яшь хокук саклау органы

2014 елның 15 гыйнвары, чәршәмбе

Илдәге иң яшь хокук саклау органнарының берсе – мөстәкыйль Тикшерү комитеты төзелүгә бүген 3 ел тулды.

Оешуыннан алып аның иң төп бурычларыннан берсе булып җинаятьләрне Россия Федерациясенең Җинаять-процессуаль кодексы билгеләгән эзлеклелектә оператив һәм сыйфатлы тикшерү, шулай ук якынча тикшерү барышында закончалылыкны тәэмин итү, гражданнарның хокукын һәм иреген саклау тора.

Азнакай шәһәрендә Россия Федерациясе Тикшерү комитетының Татарстан Республикасы буенча тикшерү идарәсе Азнакай районара тикшерү бүлеге 2012 елның 22 мартында оештырылды. Аның хезмәт күрсәтү зонасына Азнакай, Ютазы, Сарман һәм Мөслим районнары керә. 5777 квадрат чакрым мәйданны тәшкил иткән әлеге биләмәдә 144 мең кеше яши.

Юстиция подполковнигы Азат Сәеткуловҗитәкчелек иткән Азнакай тикшерү бүлегендә бүген 10 хезмәткәр эшли. Алар – җитәкче урынбасары, юстиция подполковнигы Илмир Гәрәев, җитәкченең өлкән ярдәмчесе Илдар Зәйнуллин, җитәкче ярдәмчесе Айгөл Сәйфиева, тикшерүче-криминалист Ренат Вәлитов, аеруча мөһим эшләрне тикшерүче Раил Гаҗетдинов, өлкән тикшерүче Рушан Алиуллов, тикшерүче Фәрит Насыйбуллин, эш алып баручылар Ләйсәнә Зыятдинова һәм Илнар Гыймаев.

Азнакай тикшерү бүлегендә, төзелү көненнән алып 202 җинаять буенча 122 эш каралды. Шуларның 69ы – авыр һәм аеруча авыр җинаятьләр, 23е – кеше үтерү, 11 е – саксызлык буенча сәламәтлеккә зыян салу нәтиҗәсендә кеше үлеменә китерү, 3 е – көчләү, 8 е ришвәт белән бәйле эшләр.

Гозерләре төшкән гражданнарны бүлек җитәкчелеге даими кабул итә. Өч ел эчендә генә дә биредә 258 кеше үзләрен кызыксындырган сорауларга җавап тапты.

Бүлекнең матбугат үзәге

ОАО "Татмедиа" филиалы "МАЯК" редакциясе http://aznakaevo-rt.ru/ru.html

БАРЛЫК ЯҢАЛЫКЛАРНЫ УКУ