Азнакайда “Фемида” иҗади конкурсы уза

     Укучыларга хокукый белем бирү, бу өлкә белән тагын да ныграк таныштыру буенча Азнакай шәһәр суды максатчан эш алып бара.

    Биредә әледән-әле хокук белеме дәресләре дә үткәрелә, балалар белән бәйгеләр оештырыла.

    Әнә шундый бәйгеләрнең чираттагысы 8-11 нче сыйныф укучылары арасында 10-30 апрельдә үтәчәк. “Фемида” иҗади конкурсы аларның закончалыкларны, үз хокукларын белү, суд эшчәнлеген күзаллау дәрәҗәсенә сынау да булып тора.

     Мәгариф идарәсе белән берлектә уздырылучы бу бәйгенең темалары: “Законнар нигә кирәк?”, “Судта яклау хокукын мин ничек аңлыйм?”, “Судья булу – ул...”  Иң яхшы иҗади эшләр махсус җыентыкта тупланачак.

 ОАО "Татмедиа" филиалы  "МАЯК" редакциясе  http://aznakaevo-rt.ru/ru.html