Азнакайның “Фантазия” ансамбленә Татарстан Премьер-министры дәүләт степендиясе тапшырды
Азнакай балалар сәнгать мәктәбе укучылары уңышлары белән куандыруларын дәвам итә.
“Татарстан-Яңа гасыр” телерадиокомпаниясе үткәргән “Җырлы-моңлы балачак” республика халыкара телефестивале лауреатлары арасында Азнакай сәнгать мәктәбе укучысы Динарис Бәширов та (укытучысы – Розалия Хәбибуллина) бар.
Бәйгедә 500дән артык бала катнашкан. Динарис Бәшировка танылган артист Рәсим Низамов белән берлектә “Җырлыйм туган якта” җыры белән гала-концертта катнашу бәхете елмайды.
Шулай ук Халыкара балаларны яклау көне уңаеннан “Фантазия” ансамбленә (җитәкчесе – Эльвира Шәйхуллина) Татарстан Премьер-министры Илдар Халиков махсус дәүләт степендиясе тапшырды.
Бу бүләкккә коллектив “Йолдызлык-2014” фестивалендә беренче урынны яулаган өчен лаек булды.
ОАО "Татмедиа" филиалы "МАЯК" редакциясе http://aznakaevo-rt.ru/ru.html