Азнакайның мәдәният хезмәткәрләре сәламәт тормыш яклы
Сәламәт тормыш рәвешен пропагандалауга мәдәният хезмәткәрләре дә үз өлешләрен кертә. Октябрь аенда авыл мәдәният йортлары һәм клублары арасында уздырылган “Без сәламәт тормыш яклы” дигән конкурс моның бер ачык мисалы.
- Бу бәйгедә авыл яшьләре катнашты. Беренче тур 8 зонада үтте. Аларның чыгышын тамашачылар да яратып карады. Кайбер коллективларның режиссерлык табышлары сокландырды, - ди район-шәһәр Мәдәният йорты директоры Ландыш Шәрәфиева.
Жюри иң беренче чиратта чыгыш ясаучыларның һөнәри һәм башкару осталыгына, программаларының эчтәлегенә игътибар иткән.
Йомгаклау турына 7 коллектив: Сукаеш, Уразай, Үчәлле, Балтач, Ирекле, Әсәй, Мәсгут мәдәният йортлары коллективлары чыккан. 30 октябрьдә Әсәй мәдәният йортында конкурска йомгак яалган һәм җиңүчеләр бүләкләнгән.
Беренче урынны быел сукаешлылар һәм уразайлылар яулаган.
чыганак: ОАО "Татмедиа" филиалы "МАЯК" редакциясе http://aznakaevo-rt.ru/ru.html