Азнакайлылар өчен шугалак ачылды
Тимераякта шуарга яратучылар өчен агымдагы атнада Р.Ишкәев ял паркы стадионында шугалак ачылды. Шугалакны ачу тантанасында азнакайлыларга иң беренче котлау сүзен район башлыгы Марсель Шәйдуллин ирештерде.
– Иң мөһиме шугалак буш тормасын. Биредә һәрвакыт шәһәрдәшләребезнең шат авазы гөрләсен, – диде район җитәкчесе.
Көзге сыман боз бала-чага күңеленә аеруча хуш килде, алар, белгечләр кебек, аның туңу ныклыгын һәм сыйфатын да тикшерделәр.
– Саф һавада гаиләбез белән тимераякта шуу мөмкинлеге тудырган җитәкчеләребезгә рәхмәт, – дип шатлыклары белән уртаклашты Әлфия Гәрәйшина. Биредә шулай ук тимераяклары булмаучылар, әмма шуарга теләүчеләр өчен аларны прокатка алу мөмкинлеге дә тудырылган.
чыганак: ОАО "Татмедиа" филиалы "МАЯК" редакциясе http://aznakaevo-rt.ru/ru.html
Азнакай райСовет матбугать-хезмәте фоторепортажын карарга >>>