Туган тел балачактан сеңә
Туган тел – ул ана сөте белән керә, каныңа сеңә, җаныңны миһербанлы, шәфкатьле итә. Туган тел ул – безнең балачагыбыз, гаиләбезнең аралашу теле. Февраль аенда Азнакай район балалар китапханәсенә «Салават күпере» һәм «Светлячок» бакчасы сабыйлары килделәр. Анда туган тел көненә багашланган «Халкым теле – халык теле» дигән әдәби-музыкаль сәгать узды. Кичәгә җирлегебез шагыйрәсе Нәсимә Фазлыева чакырылды. «Радуга» балалар бакчасы балалары тәрбияче апалары Гөлшат Мөхәммәтова, Зөлфия Гайсина белән шагыйрә апалары: Резеда Шәрипова, Нәсимә Фазлыева, Илмира Сәлахованың шигырьләрен сөйләделәр, җырларны башкардылар. Кичәдә шагыйрә Нәсимә Фазлыева да катнашты. Ул нәниләрнең ана телләрен онытмауларын, бәхетле-тәүфыйклы булып үсүләрен теләп, шигырь китапларын бүләк итте. Очрашу Габдулла Тукайның “Туган тел” җыры белән тәмамланды.
Тәслимә Корбанова, китапханәче
чыганак: ОАО "Татмедиа" филиалы "МАЯК" редакциясе http://aznakaevo-rt.ru/ru.html