Төбәкне өйрәнү музее – ул безнең үткәнебезне һәм бүгенгебезне чагылдыручы көзге. Райондашлар ярдәме белән аның экспонатлары баеп тора. Мөгаен, әле кемнәрдәдер борынгы көнкүреш әйберләре, кызыклы фотосүрәтләр, китаплар, документлар саклана торгандыр. 1 апрельдән 7 апрельгә кадәр республикабызда “Бүләкләр көне” акциясе үткәрелә. Бу көннәрдә сез гаилә ядкәрләрен музейга тапшырып, игелекле гамәл кыла аласыз. Акция тәмамланганнан соң йомгаклау чарасында иң кызыклы бүләкләр билгеләнеп үтәчәк.