Атналык киңәшмә

Район һәм шәһәр эшчәнлегенә багышланган атналык киңәшмәнең чираттагысын Азнакай муниципаль район башлыгы Марсель Шәйдуллин, гадәттәгечә, узган атнада булган мөһим эш-чараларны анализлаудан, хезмәттә уңышларга ирешкән район фидакарьләрен, юбилярларны котлаудан башлады. Азнакай эчке эшләр бүлеге начальнигы Илдар Шакиров хәбәр иткәнчә, узган атнада районда җинаять кылыну тырында биш хәбәр алынган,
шуның дүртесе “кайнар эз”дән ачылган. Ул шәхси милеккә кул сузу очракларының саны югары булуы хакында билгеләп үтте. “Мәк” оператив профилактик чара барышында “Мечта“ бакчачылык ширкәтендә кулга алынган ике актүбәледә шприцлар, наркотик матдәләр табыла. 28 майда берәү Шәйхетдинов урамындагы тулай торакныћ кухня форточкасыннан эчкә үтә һәм, хуҗаларның йоклавыннан файдаланып, ноутбук белән кул сәгате урлап чыга. Тикшерү барышында төнге каракның 13 тапкыр хөкемгә тартылган 59 яшьлек сукбай булуы ачыклана. Шәһәр, район милли бәйрәмебез – Сабантуйга әзерләнә. Элек-электән халкыбыз кунаклар килүгә йорт-җирен төзәткән, әйләнәтирәне чүптән арындырган. Шәһәр башкарма комитеты җитәкчесе Расих Шәкүров слайдлар аша оешма-предприятие, кибет ишегалларын, аларга беркетелгән территорияләрнең то-
рышын күрсәтте. Шәһәрне төзекләндерүдә үз өлешләрен кертмичә, хәтта оешма-предприятие кырындагы чүп үләннәрне дә чапмаган җитәкчеләрне район башлыгы тәнкыйть утында тотып, берничә көн эчендә әйләнә-тирәне тәртипкә китерергә кушты. “Азнакай – уртак йортыбыз, аны гөлбакча итеп тоту – һәрберебезнең бурычы”, – диде ул. Төбәгебез чишмәләргә бай. Азнакайда 126 чишмәнең 80 гә якыны төрле оешма-пред-
приятие карамагына бүлеп бирелгән. Район башкарма комитеты җитәкчесе урынбасары Рәмис Ханнанов чишмәләрнең торышына анализ ясады. Райпо, “Союз Агро”, “Азнакай АФ”, “Азтрубстрой” җәмгыятьләренә беркетелгән чишмәләрнең торышы хафага сала: тирәюньнәре төзекләндерелмәгән, буялмаган, каралмаган...Киңәшмә эшенә Марсель Шәйдуллин йомгак ясап, авыл хуҗалыгы тармагында алып барган эшләргә, юллар торышына һәм башка кичектергесез мәсьәләләргә тукталды, алдагы атнага бурычлар билгеләде.

Чыганак: Филиал ОАО "Татмедиа" Редакция газеты "МАЯК" http://aznakaevo-rt.ru/ru.html