Урып-җыю кампаниясе лидерлар арасында Азнакай беренчелектә тора
Татарстанда бөтен районнар да урып-җыю эшләренә керешкән диярлек
Әлегә басуларга чыкмаган Әтнә, Балтач һәм Саба районнары игенчеләре дә якын көннәрдә бу эшкә тотыначак
Татарстанның 40 районы урып-җыю эшләренә керешкән. Әлегә басуларга чыкмаган Әтнә, Балтач һәм Саба районнары игенчеләре дә якын көннәрдә бу эшкә тотыначак. "Татар-информ" агентлыгы хәбәрчесенә бу хакта ТР Авыл хуҗалыгы һәм азык-төлек министрлыгында хәбәр иттеләр.
Бүгенгә бөртекле культуралар 97,3 мең гектар мәйданда суктырылган. Барлыгы 218,2 мең тонна ашлык җыелган, гектарыннан уртача 22,4 центнер уңыш чыга.
Урып-җыю кампаниясе лидерлары булып Сарман, Чистай, Азнакай, Зәй һәм Минзәлә районнары санала, аларда бөртекле культуралар иң күп мәйданда суктырылган.
«Татар-информ», Ирина Игнатьева