Әлмәт белән Азнакай районнары арасында мәдәни багланышларның өзелгәне юк. Әле азнакайлылар күршеләргә үз җыр-моңнарын бүләк итеп кайталар, әле әлмәтлеләр безгә килә. Өлкәннәр көне алдыннан – 29 сентябрьдә шәһәр-район Мәдәният йортында ике районның ветераннар хорлары чыгыш ясап, бер-берсе белән тәҗрибә уртаклаштылар. Аларны шәһәр башкарма комитеты җитәкчесе Расих Шәкүров тәбрикләде һәм актив тормыш алып баручы, халкыбыз иҗатын киләчәк буынга тапшыруда зур өлеш кертүче ветераннарга изге теләкләрен юллады.
чыганак: ОАО "Татмедиа" филиалы "МАЯК" редакциясе http://aznakaevo-rt.ru/ru.html