Азнакайда “Куркынычсызлык атналыгы” акциясе старт алды

    Сабый чактан ук безнең тормышыбыз урам белән бәйле. Шуңа күрә балаларга юл хәрәкәте кагыйдәләрен белү мөһим. Аларның иминлеген тәэмин итү максатларында районда махсус акция старт алды. Аның кысаларында район үзәк балалар китапханәсендә “Юллар тарихы” дигән уен узды.

    Китапханәчеләр белән берлектә бу чараны ТР юл хәрәкәте куркынычсызылыгы программаларын финанслаштыру дирекциясенең Азнакай филиалы начальнигы Альмира Сәгдатуллина алып барды. Балалар светофор сигналлары, төп юл билгеләрен исләренә төшерделәр. Аннан хайваннарның ничек юл кагыйдәләрен саклаулары турында кызыклы видеофильм карадылар. Балалар шәһәребез юлларында игътибарлы булырга сүз бирделәр.