"Җиңү Кубогы"Актүбә
11 мартта Актүбә шәһәр тибындагы бистәсендә «Татнефть» ААҖ кубогы конкурсы кысаларында «Җиңү Кубогы «Бөтенроссия турнирын ачу тантанасы узды.
Шунысын да билгеләп үтәргә кирәк, турнирда Актүбә, Әлмәт, Чаллы, Алабуга, Казан, Нурлат спортчылары, Зәй һәм Услан районнары вәкилләре катнаша.
Чара Бөек Ватан сугышында катнашкан, Азнакай районы Агерҗе авылында туган, үз теләге белән фронтка киткән, Белоруссия фронтындагы эвакуация пунктында санитарка булып хезмәт иткән һәм 1944 елның 4 апрелендә сугыш кырыннан яраланган командирны алып чыкканда снайпер пулясыннан һәлак булган Гайша Әхмәтова истәлегенә багышлана.
Турнирның тантаналы өлеше "Актүбә" ат спорты мәктәбендә узды, анда Азнакай муниципаль районы башлыгы Марсель Шәйдуллин һәм «Татнефть " ААҖ вәкилләре-социаль үсеш буенча генераль директор урынбасары Рөстәм Мөхәммәдиев, профсоюз профкомы рәисе Гомәр Яруллин катнашты