ЯҢАЛЫКЛАР
1 июльдән РФ Административ хокук бозулар кодексына машина йөртүчеләр өчен штрафларны күп мәртәбә арттыручы төзәтмәләр үз көченә керде. Атап әйткәндә мәҗбүри тукталыштан кала, транспорт чараларын җәяүлеләр кичүендә яки аның алдыннан 5 метр кала туктату яки тукталу кагыйдәләрен бозып, транспорт чараларын тротуарда калдыру кесәгә 1000 сум белән “сугачак”, әлегә моның өчен 300 сум штраф каралган иде.
“ Главнефтегаз - стройсервис” идарә итү компаниясенең бер подразделениесе булган “Актүбә төзү-монтаж идарәсе” ҖЧҖ хәзерге вакытта районда торак йортлар төзү белән шөгыльләнүче бердән-бер предприятие. Бүгенге көндә ташчылар Азнакай шәһәренең көньяккөнчыгышындагы “Б” микрорайонында биш катлы, туксан фатирлы йорт бинасын төзеп бетереп киләләр.
Узган елның беренче яртысында район юлларында булган 15 юлтранспорт һәлакәтендә 5 кешенең гомере өзелгән, 25е имгәнгән булса, быелның алты аендагы фаҗигалар саны соңгы елларда күренмәгән котычкыч дәрәҗәгә җитте – 18 авариядә 10 кеше һәлак булды, 23е авыр тән җәрәхәтләре алды.
Мәгълүм булганча Азнакай шәһәре мәшгульлек үзәге рәсми тәртиптә эшсез булган һәм үзәктә исәптә торган үз эшен оештыручыларга (шәхси эшмәкәрлек яки крестьян-фермер хуҗалыгы) 58800 сум күләмендә дәүләт ярдәме күрсәтә. Ләкин уйладың да акча алып эшкә дә керештең дигән сүз түгел. Моның өчен планлаштырылган эшчәнлегең буенча бизнес планың булырга, комиссия алдында аны якларга да кирәк. Шундый комиссия утырышларының берсе чәршәмбе көнне узды.
ТРның uslugi.tatarstan.ru дәүләт һәм муниципаль хезмәтләр порталында гражданнардан “Халык контроле”нә мөрәҗәгатьләр кабул ителә.
«Алтын алка» боз сараенда җыелма хоккей командаларының иптәшләрчә очрашуы булды.
1 июльдә 10.00 сәгатьтә Әсәй авылы мәйданында Татарстанда Коръән елына багышланган мөселман Сабантуе узачак.